សកម្មភាពគ្រូពេទ្យនាំអ្នកឆ្លងជំងឺកូវីដ ១៩ នៅភ្នំពេញ ទៅព្យាបាលកាលពីកន្លងមក។
ភ្នំពេញៈមនុស្សចំនួន ១១ នាក់បន្ថែមទៀត បានបាត់បង់ជីវិតដោយសារជំងឺកូវីដ ១៩ ខណៈអ្នកឆ្លងថ្មីរកឃើញមានចំនួន ៤២៦ នាក់បន្ថែមទៀត និងអ្នកជាសះស្បើយមានរហូតដល់ ៧៦០ នាក់។
យោងតាមរបាយការណ៍ក្រសួងសុខាភិបាលនៅថ្ងៃទី ១០ ខែមិថុនានេះ ការឆ្លងថ្មីនេះមានករណីឆ្លងក្នុងព្រឹត្តិការណ៍សហគមន៍ ២០ កុម្ភៈ ចំនួន ៣៨០ នាក់ និងអ្នកដំណើរពីបរទេសមានចំនួន ៤៦ នាក់។
គិតត្រឹមព្រឹកថ្ងៃទី ១០ ខែ មិថុនា ឆ្នាំ ២០២១ នេះ ប្រទេសកម្ពុជា បានរកឃើញអ្នកឆ្លងវីរុសកូវីដ ១៩ សរុបចំនួន ៣៦ ៦៦៦ នាក់ អ្នកជាសះស្បើយចំនួន ២៩ ៨០៧ នាក់ និងអ្នកស្លាប់បានកើនរហូតដល់ចំនួន ៣០០ នាក់ហើយ៕
No comments:
Post a Comment