ភ្នំពេញ៖ នៅល្ងាចថ្ងៃទី៣១ ខែសីហា ឆ្នាំ២០១៨ ស្រ្តីឈ្មោះ សុខ វួចលីន ជាម្ចាស់ទីតាំងផលិតប៊ីចេងក្លែងក្លាយរាប់តោន នៅខណ្ឌឫស្សីកែវ ត្រូវបានលោក ហម ម៉េងសែ ចៅក្រមស៊ើបសួរសាលាដំបូងរាជធានីភ្នំពេញ សម្រេចដោះលែងឲ្យមានសេរីភាពឡើងវិញ។
ក្រោយពីការដោះលែងស្រ្តីខាងលើនេះហើយ មជ្ឈដ្ឋានជាច្រើនបានចំអកថា ត្រឹមផលិតប៊ីចេងក្លែងក្លាយប្រមាណ១៧តោន និងធ្វើឲ្យប៉ះពាល់សុខភាពពលរដ្ឋប៉ុណ្ណោះនៅតែដោះលែងទៀត។
ប្រភពព័ត៌មានបានបង្ហើបថា ការសម្រេចមិនឃុំខ្លួនជនត្រូវចោទ សុខ វួចលីន នេះ គឺលោកចៅក្រម ហម ម៉េងសែ បានដាក់ឲ្យស្ថិតក្រោមការត្រួតពិនិត្យតាមផ្លូវតុលាការ ។
ម្ចាស់ទីតាំងវេចខ្ចប់ប៊ីចេង រស់នៅផ្ទះ លេខAB4-5 ផ្លូវ56R សង្កាត់ទួលសង្កែទី២ ខណ្ឌឫស្សីកែវ ឈ្មោះសុខ វួចលីន អាយុ៤១ឆ្នាំ បានត្រូវសមត្ថកិច្ចឃាត់ខ្លួនកាលពីព្រឹកថ្ងៃទី២៧ ខែសីហា ក្នុងប្រតិបត្តិការចុះឆែកឆេរទីតាំងវេចខ្ចប់ប៊ីចេងដែលសមត្ថកិច្ចចោទថាក្លែងក្លាយ។ នៅក្នុងប្រតិបត្តិការនេះ សមត្ថកិច្ចរកឃេីញទីតាំងខាងលេីនេះ បានវេចខ្ចប់ប៊ីចេងក្លែងក្លាយ និងភ័ស្តុតាងរួមមាន: ប៊ីចេងបាវសចំនួន ៣៥២បាវ ប៊ីចេងបាវគគីរចំនួន ១២៥បាវ ប៊ីចេងរាយម៉ាកWin winចំនួន ១៤០បាវ ប៊ីចេងច្រករួច(500g)ចំនួន ៣២បាវ ប៊ីចេងច្រករួចម៉ាកGold Cupចំនួន ៤៧កេស ប៊ីចេងរូបវែក(250g) ម៉ាស៊ីនដេរម៉ាត់បាវ ០២គ្រឿង ម៉ាស៊ីនអ៊ុតម៉ាត់ថង់ ០១គ្រឿង ម៉ាស៊ីនរំុខ្សែ និងកាត់ខ្សែចំនួន ០២គ្រឿង ជញ្ជីងថ្លឹង ០២គ្រឿង បាវរូបវែក ៩៣បាវ និងប៊ីចេងរាយមិនទាន់វេចខ្ចប់មួយចំនួនទៀតសរុបទំងន់ទាំងអស់ប្រមាណ ១៧តោន៕
No comments:
Post a Comment